આતંકવાદી કો મત મારો, લેકિન આતંકવાદી કો જો મારે, ઉસે જેલ મેં ભેજો’ Divya Bhasker, july 21, 2013

– એ જોખમકારક પ્રાણીનું નામ છે: ‘મહામૂર્ખ બૌદ્ધિક’!
– એક વાત સમજાતી નથી. ‘મહામૂર્ખ બૌદ્ધિક’ કાયમ સજા પામેલા કે એન્કાઉન્ટરમાં હત્યા પામેલા આતંકવાદી સેતાનો માટે જ સહાનુભૂતિ ધરાવનારો કેમ હોય છે? આ એક મનોવૈજ્ઞાનિક કોયડો છે. ટીવી ચેનલો પર કડકડાટ અંગ્રેજીમાં ચર્ચા કરનારા ‘મહામૂર્ખ બૌદ્ધિકો’ની દલીલોનો સાર છે: ‘આતંકવાદી કો મત મારો, લેકિન આતંકવાદી કો જો મારે, ઉસે જેલ મેં ભેજો’

 

 

એ કવીસમી સદીમાં માનવ-અધિકારથી વધારે પવિત્ર એવી કોઇ બાબતની મને જાણ નથી. પ્રત્યેક માનવીનું અસ્તિત્વ મૂલ્યવાન છે કારણ કે એવા અસ્તિત્વમાં પડેલી શક્યતા અનંત છે. આ જ તર્ક ઇશરત જહાં જેવી કન્યાને પણ લાગુ પડે છે. એની સાથોસાથ હણાયેલા ત્રણ બદમાશો આતંકવાદી હોય તોય એ ચાર મનુષ્યોની હત્યા કયા સંજોગોમાં થઇ તેની ઝીણી તપાસ સી.બી.આઇ. દ્વારા થાય તેમાં માનવીય ગૌરવની ધજા ફરકતી દીસે છે. લોકતંત્રની ધરી સત્યશોધન અને કંટકશોધન છે.

જે નિષ્ઠાથી સી.બી.આઇ. સોહરાબુદ્દીન અને ઇશરતના કિસ્સામાં બારીકાઇ જાળવીને આગળ વધી રહી છે તે પ્રશંસનીય છે. માનવ-અધિકારની જાળવણી માટેની આવી નિષ્ઠા માનવકેન્દ્રી હોય કે ઇશરત કેન્દ્રી? એ નિષ્ઠા ભારતકેન્દ્રી હોય કે ગુજરાતકેન્દ્રી? છેલ્લાં ચાર વર્ષ દરમ્યાન એકલા ઉત્તરપ્રદેશમાંથી જ માનવ-અધિકાર પંચને ૧૩૮ ફરિયાદો બનાવટી એન્કાઉન્ટર્સ માટે મળી છે. દેશનાં કોંગ્રેસ-શાસિત રાજ્યોની જ વાત કરીએ તો આસામમાં પ૨, હરિયાણામાં ૧પ, રાજસ્થાનમાં ૧૩, આંધ્રપ્રદેશમાં ૧૧, દિલ્હીમાં ૧૦ અને મહારાષ્ટ્રમાં ૮ બનાવટી એન્કાઉન્ટર્સ અંગેની ફરિયાદ માનવ-અધિકાર પંચને મળી છે. સી.બી.આઇ. જો માનવનિષ્ઠા અને ભારતનિષ્ઠા જાળવીને પોતાનું કામ કરે તો કદાચ બીજી દસ-પંદર સી.બી.આઇ. નવી શરૂ કરવી પડે તેમ છે. કમનસીબ બાબત છે કે બીજાં બધાં રાજ્યોમાં થતા રહેતા બનાવટી એન્કાઉન્ટર્સની ઝાઝી પરવા કર્યા વિના સી.બી.આઇ. પોતાની બધી જ કર્તવ્યનિષ્ઠા ગુજરાત પર ઠાલવી રહી છે આ એક રહસ્યમય અને ગંદી દુર્ઘટના છે.

શેખર ગુપ્તા ‘ઇન્ડિયન એક્સ્પ્રેસ’ના વરિષ્ઠ તંત્રી છે અને સેક્યુલર સ્વસ્થતા ધરાવતા સમર્થ પત્રકાર છે. તેઓ આર.એસ.એસ. કે વિશ્વહિ‌ન્દુ પરિષદ કે બજરંગદળની માનસિકતાથી જોજનના જોજન દૂર છે. એમણે તા. ૬-૭-૨૦૧૩ના ‘ઇન્ડિયન એક્સ્પ્રેસ’માં એક યાદગાર લેખ લખ્યો છે. માત્ર થોડાક મુદ્દાઓ ટૂંકમાં પ્રસ્તુત છે. સાંભળો:

– ઇશરતનો કિસ્સો પહેલો પણ નથી અને છેલ્લો પણ નથી. જ્યારે પોલીસ કે ગુપ્તચર સંસ્થાઓ આવી કારવાઇ હાથ ધરે ત્યારે એને ‘controlled killing’  ગણાવે છે.
– તમે આ ચર્ચામાં કઇ બાજુએ ઊભા છો તે મહત્ત્વનું નથી, પરંતુ તમારે એટલું તો કબૂલવું જ પડશે કે બનાવટી (Fake) એન્કાઉન્ટર તો હંમેશાં ગેરકાયદેસર જ ગણાશે.
– આ સંદર્ભે પંજાબના કિસ્સામાં સેંકડો શંકાસ્પદ તહોમતદારો ગણાયેલા સેંકડો શીખ ઇસમોનું એન્કાઉન્ટર કરવામાં આવ્યું છે. આ હકીકતને કઇ રીતે વાજબી ઠેરવી શકાય?
– કોંગ્રેસે દુષ્ટબુદ્ધિથી પ્રેરાઇને (આ સમસ્યાનું) રાજકીયકરણ અને (મને ભય છે કે) કોમવાદીકરણ કર્યું છે. કોંગ્રેસ હવે દરેક એન્કાઉન્ટરને સીધેસીધું ‘બનાવટી એન્કાઉન્ટર’ ગણાવવા માટે તત્પર છે. વળી કોંગ્રેસનું વૃત્તાંત (નેરેટિવ) તો એવું છે કે એમાં મુસ્લિમોને જ બલિ (વિક્ટિમ) બનાવવામાં આવે છે.
– બાટલા હાઉસ સહિ‌તની આવી મોટા ભાગની એન્કાઉન્ટર ઘટનાઓ તો કોંગ્રેસની નજર હેઠળ બની છે. કોંગ્રેસ અને યુ.પી.એ.ની સરકારો દ્વારા દિલ્હી, મહારાષ્ટ્ર, આંધ્રપ્રદેશ અને વળી કાશ્મીરમાં પણ આવું જ કરવામાં આવી રહ્યું છે.

તમને યાદ છે? કોંગ્રેસના સિનિયર પ્રવક્તા દિગ્વિજય સિંહે બાટલા હાઉસના એન્કાઉન્ટરને અત્યંત સ્પષ્ટ શબ્દોમાં ‘બનાવટી એન્કાઉન્ટર’ ગણાવ્યો હતો. એ માટે જવાબદાર ગૃહપ્રધાન શિવરાજ પાટીલની સીધી સંડોવણી અંગે તમે હળવી ચર્ચા પણ સાંભળી ખરી? દિગ્વિજય સિંહ આતંકવાદમાં સંડોવાયેલા આરોપીઓનાં સ્વજનોને મળવા માટે આઝમગઢ ગયા. તેમણે જાહેરાત કરી કે થોડાક સમયમાં રાહુલ ગાંધી પણ આઝમગઢની મુલાકાત લેશે. દિલ્હી પાછા ફર્યા બાદ દિગ્વિજય સિંહે આતંકવાદમાં સંડોવાયેલા આરોપીઓનાં સ્વજનોની વાત સોનિયાજીને કરી ત્યારે સોનિયાજીની આંખમાં આંસુ ઊભરાયાં આંધ્રપ્રદેશમાં માઓવાદી આઝાદની હત્યા બનાવટી એન્કાઉન્ટરમાં થઇ પછી નિર્દોષ પત્રકાર હેમચંદ પાંડેની હત્યા કરવામાં આવી. આવી હત્યા માટે આંધ્રપ્રદેશના કોંગ્રેસી મુખ્યપ્રધાન કે ગૃહપ્રધાન સુધી સી.બી.આઇ. પહોંચી ખરી? શું માનવ-અધિકારની જાળવણીની સંપૂર્ણ જવાબદારી માત્ર ગુજરાતની જ ગણાય?

વર્ષ ૨૦૦૨માં ગુજરાતનાં કોમી હુલ્લડો પછી દેશમાં એક નવતર પ્રાણીનો જન્મ થયો, તેનું નામ છે: ‘મહામૂર્ખ બૌદ્ધિક’. આવો તીક્ષ્ણ વદતોવ્યાઘાત (oxymoron) શા માટે? આ નવતર પ્રાણી નથી ગાંધીવાદી કે નથી માક્ર્સવાદી. એ પ્રાણી સ્વાદપૂર્વક જૂઠું બોલે છે તેથી ગાંધીવાદી નથી. એ પ્રાણી માનવ-અધિકારની વાતને પણ કોમવાદી રંગ ચડાવે છે તેથી માક્ર્સવાદી નથી. એ લાયન પણ નથી અને ટાઇગર પણ નથી, પરંતુ સંકરક્રિયા દ્વારા પેદા થયેલ ‘લાયગર’ છે. એ મહાશય પોલીસ કે જવાનને ‘માનવ’ ગણવા તૈયાર નથી.

ઇશરતને નિર્દોષ માની લઇએ. ઇશરત અને જાવેદ શેખના પરિવારો તરફથી બંને નિર્દોષ હતાં એવો દાવો થયો પછી એના જવાબમાં કેન્દ્રના ગૃહમંત્રાલયે તા. ૯મી ઓગસ્ટ (૨૦૦૯)ને દિવસે ૧૪ પાનાં ભરીને જે એફિડેવિટ ગુજરાત હાઇર્કોટમાં રજૂ કર્યું તેમાં સરકારે બંનેને લશ્કર-એ-તૈયબાનાં કાર્યશીલો (operatives) ગણાવ્યાં હતાં. વળી જાવેદ શેખ તો લશ્કર-એ-તૈયબાની જ શાખા મુઝામિલ સાથે સતત સંપર્કમાં હતો. એ આતંકવાદી નેટવર્કમાં ઇશરત ઉપયોગી બને તે એટલા માટે કે જાવેદ-ઇશરત યુગલ હોવામાં ખપી જાય. ખાસ નોંધવા જેવું છે કે આજના કઇના ડાયરેક્ટર અસિફ ઇબ્રાહીમને પણ વડાપ્રધાન તથા ગૃહમંત્રાલયની ઓફિસોને સ્પષ્ટ જણાવ્યું છે કે: ઇશરત, જાવેદ શેખ અને બીજા બે પાકિસ્તાની ઇસમો અમુક નેતાઓને મારવા માટે લશ્કર-એ-તૈયબાનાં કાર્યશીલો તરીકે ‘મિશન’માં જોડાયાં હતાં. (‘ઇન્ડિયા ટુડે’, ૧પ-૭-૨૦૧૩, પાન ૪૬-૪૭).

એક વાત સમજાતી નથી. ‘મહામૂર્ખ બૌદ્ધિક’ કાયમ સજા પામેલા કે એન્કાઉન્ટરમાં હત્યા પામેલા આતંકવાદી સેતાનો માટે જ સહાનુભૂતિ ધરાવનારો કેમ હોય છે? એને નિર્દોષ નાગરિકોની સુરક્ષા પ્રત્યે અંદરથી ઘૃણાની લાગણી શા માટે હોય છે? આ એક મનોવૈજ્ઞાનિક કોયડો છે. બોધગયાના મંદિરમાં બોંબ ધડાકા થયા. ગઇ કાલ સુધી જેઓ સરકારમાં સામેલ હતા તેવા ભાજપી નેતાઓ પણ નીતીશ સામે પ્રહાર કરવા માંડયા પ્રશ્ન આ કે તે પક્ષની સરકારનો નથી. આતંકવાદી તત્ત્વોને બોંબ ઝીંકવાની ચળ આવે તેવી કાયર કોમળતા દેશની પ્રજા કેળવી બેઠી છે. ટીવી ચેનલો પર કડકડાટ અંગ્રેજીમાં ચર્ચા કરનારા ‘મહામૂર્ખ બૌદ્ધિકો’ની દલીલોનો સાર છે: ‘આતંકવાદી કો મત મારો, લેકિન આતંકવાદી કો જો મારે, ઉસે જેલ મેં ભેજો.’ બોલો આવી ક્ષોભજનક પરિસ્થિતિમાં સરદાર પટેલ યાદ ન આવે?’ (લખ્યા તા. ૯-૭-૨૦૧૩).

– પાઘડીનો વળ છેડે

અખબારોમાં પાનાં ભરી ભરીને અને વળી પ્રાઇમ ટાઇમ ટીવી પર જે સમાચારો પ્રગટ થાય તેમાં અનુમાન અને અટકળની દોષપૂર્ણ ભરમાર હોય છે. દેશની સુરક્ષા માટે નિર્ણાયક ભૂમિકા અદા કરનારી સંવેદનશીલ સંસ્થા ઇન્ટેલિજન્સ બ્યૂરો (IB)ના ઓફિસરોનો જોસ્સો (morale‍) જળવાઇ રહે તે માટે હું આ તબક્કે થોડીક જવાબદારી કેળવવાની હિ‌માયત કરી શકું ખરો?
– આર. કે રાઘવન

(Outlook, ૧પ-૭-૨૦૧૩)
નોંધ: શ્રી રાઘવન કઇના ભૂતપૂર્વ જોઇન્ટ ડાયરેક્ટર અને CBIના ભૂતપૂર્વ ડાયરેક્ટર તરીકે કામ કરી ચૂક્યા છે. સુપ્રીમ ર્કોટે ગુજરાતનાં તોફાનો માટે તપાસ કરનારી SITના તેઓ અધ્યક્ષ હતા. મહામૂર્ખ બૌદ્ધિકો એમને શત્રુ ગણે છે. શા માટે? જવાબ સ્પષ્ટ છે.

3 thoughts on “આતંકવાદી કો મત મારો, લેકિન આતંકવાદી કો જો મારે, ઉસે જેલ મેં ભેજો’ Divya Bhasker, july 21, 2013

  1. I agree with you that terrorists should be killed not to be arrested.
    Here is not only the issue of fake encounter of terrorists but this issue is about someone’s fake publicity and that is gain by killing people!!!!!
    I sorry to say but this can not be tolerated in the republican country.
    Either you believe it or not we are living under the dictatorship and my meaning of we is (gujarat) and many others states of India where dictators like narendra modi is ruling.
    I agree that some fake encounters are necessary but here it is like our Gujarati Kehvat “Suka sathe bhinu pan bade”.

    Have you noticed that at time of British rule we were slave to them and now we are slave to these politicians who even don’t know how to speak and what to speak!!!!! still they are ruling because they know how to play dirty game of politics!!!

    We can’t blame only the politicians alone because they are not imported (may be some of BJP supporters will say that we have ‘madam sonia’ and imported candidate), they are part of our society, they are from us. So they are pure reflation of our society. therefore, if we want to change something we need to change our self first. Isn’t it???

  2. માત્ર “મહામુર્ખ બૌદ્ધિક” જ નહિ પરંતુ વધુ એક “મહા સેક્યુલર” નામનું પ્રાણી પેદા થયું છે, જેને આંતકવાદી સંગઠન પણ વિકટીમ લાગે છે.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s